Bandhua Mattdata Muqti Aandolan-

Loksabha election kareeb hain. Election me dhero candidates alag-alag parties se Chunawi Samar me fight karenge. Vote dene jab hum jayenge to apni-apni pasand ki party ke candidate ko vote denge. Vote dete samay shayad hi mostly voters yeh sochte hai ki jish candidate ko hum vote de rahe hain woh kaun hai?  ushka character kaisa hai?  ushki Vishwashniyeta kitni hai?  Imaandar hai ya nahi?  Criminal history hai ya nahi?  kya hamare area ki problems ko Sansad me Prabhavi roop se rakhne me saksham hai ya nahi?  kahin Bhoo-Mafia to nahi hai?  Family background kya hai?  Politics se social work kiya hai ya politics se paisa banaya hai?  Sharabi to nahi hai?  Kishanon ki baat apne lecture me karte hai,per Farming kaise hoti hai jaante bhi hai ya nahi?  Education kya hai?  etc. Hum sirf party ke naam per vote dette hai, chahe party ne apne symbole per kisi Kutte ko hi Khada kyu na kiya ho?  Parties to apna Maksad poora kar leti hai per Jhelna ush Ayogya candidate ko five years humen hai. Tab hum Jee Bhar kar Gaaliyan dete hai, yeh nahi hua ki yeh nahi hua. Soch kar dekhiye ki inn Gaaliyon ke Haqdaar ush candidate se jayada hum hai. Kyunki humne hi to ushe elect kiya hai. Kash hum election per party nahi candidate ki Yogyata ko dekhen, Chahen woh kisi bhi party ka kyun na ho,yahan tak ki chahen woh Nirdaliya hi ho.Yadi Yogya he to ushe hi vote dena chahiye. Yadi ek baar aap aur humne yeh kar diya to khud parties Achche candidate ko ticket dengi. Result yeh hoga ek din Sansad aur Vidhansabhayen Kabil aur Achche logo se bhar jayengi. Aapke aur humare paas vote ki hi to power hai jishka use karke hum achche Loktantra ka Nirmaan kar sakte hai. Famous thinker Shiv Khera ki ek baat hamesha yaad rakhiye ki jish candidate ko hum vote de rahe hai, kya ushe aap apne Bachchon ka Guardian banana pasand karenge? Yadi nahi to ushe aap apne desh,samaj ya area ka Guardian kaise bana dete hai? Yadi mere Vicharon se agree hai to please ish Aandolan ko aage Vishtaar de aur Sehyog Karen.  

Mushalmano se apeal- Desh me Atankwadion dwara lagatar kiye ja rahe Bomb bishfot aur ishke baad police dwara pakde gaye atankwadion ke mushlim samaj se hone ki wajah se desh ke andar mushalmano ke khilaf ek Avishwash ka mahol banne laga hai. Yeh sach hai ki kuch Sirfire logo ki wajah se poore samaj per Ungli uthne lag jaati hai.Dharam ke naam per kuch log desh ko Saampradayikta ki Aag me dhakelne ki koshish kar rahe hai.Na jaane kitne masoom inn Ghatnao ki Bhent chad  gaye hai.Ush per political logo dwara aur Hawa dene ka kaam kiya jaata hai. Hamare desh ko todne ki siyasat rachne wale desh yehi to chahte hai ki Hindustaan me Ashthirta paida ho jaaye,Hindu aur Mushalman ek dooshre per bishwaas na karen.Ab waqt aa gaya hai ki Mushalmano ko inn Ghatnao ke khilaf awaj uthani hogi, unn logo ko police ke hawale karna hoga jo unke ilaako me naye aaye hai ya phir jinki gatividhiyan sandigdh hai.Warna aane wale samay me yeh aag kisi ko nahi chodegi.

Yeh Zindagi hume badi ajeeb lagti hai,

Jab bhi hum ishe paas se dekhte hai.

To yeh hume badi door lagti hai,

Yun to bahut se log dekhe hain,

Zindagi ke thapedo se ladte hain,

Phir bhi yeh unko,

Ek Prashn Chinha lagati hai.

Zindagi ko zindadili se jeene wale

Ek din zindagi se darte hain,

Zindagi kabhi khushi me to kabhi gum me,

Bitayi jaati hai.

Ashli zindagi to woh hai,

Jo kisi ki zindagi per lutayi jaati hai.

Ye zindagi Sanshar ki kisi bhi cheez se kam nahi hai,

Agar yeh mitt jaye to hume ishka gum nahi.

Kyunki zindagi se hume mila hi kya hai,

Jab bhi jishe chaha, wahi zuda hua hai,

Ab to zindagi tanhaiyon me kat-ti hai,

Na jaane kyun ye humse khafa lagti hai.

Jab bhi humne zindagi se bufa ki,

Zindagi ne humare sath Khata ki hai.

Aaj to Vidhata vipreet humse ho gaya hai,

Desh ka hai haal Kya jara soch lijiye.

Desh prem,RastraBhakti kehkar looten ye Desh,

Desh Premiyon ki nayi Jaatt yahan dekhiye.

Bichcha rahe sabhi Bisaat khelte nitt naye khel,

Netaon ki Jara Jamat yahaan dekhiye.

Dete Khule aam Chunauti Maafia aur Gang,

Shashan ki Jara Aukaat yahaan dekhiye.

Uda rahe sabhi Maal Desh ki na koi Fikra,

Hoti nitt Karze ki Barsaat yahan dekhiye.

Shore me sunai deta humko ek hi Swar,

Kashmir,Punjab aur Baant deejiye.

Jinke Karo me Thama di hai tumne Lagam,

Pehle Yaaro unke Iraade Bhaanp lijiye.

Aaj to khoon se Saan li hain,tumne Kripaan,

Hoga kya inka Anjaam soch lijiye.

Mulk ye tod doge,ye Jamee bhi Chchod doge,

Milega tumko kya, yeh bhi soch lijiye.

Danggo ki Aag jala deti Sambandh-Prem,

Rayi ka banta Pahad yahan dekhiye.

Ek hai Desh, ek Desh ke hai vaasi per,

Zuda har Kaum ka Kanoon yahaan dekhiye.

Dekhta hai, Poochta hai, Maarta hai, Fenkta hai,

Insaan banta Haiwaan yahaan dekhiye.

Faaide ki jara si jo baat kar li tumne,

Aan-Baan, Aatma-Swabhimaan bech Dalenge.

Kalam agar rok di to Bhrasht Raajneeti me,

Kurshi ke Premi Samvidhan Bech dalenge.

Jyada nahi kehta hun, Chand Voto ke liye,

Apna Jameer Bhi Girvi rakh dalenge.

Janta ke saamne to Hath Jode Khade per,

Kurshi Baithe Tanashahi jara dekhiye.

Jaat-paat, Oonch-Neech, Dharma-Karma naam pe,

Vishal Vishdharon ne ye Desh Baant dala hai.

Vikas ki raah me jo dekhenge,

To paayenge woh Sirf Kaala hi Kaala hai.

Desh ke Hitton ki Raksha hoti nahi unse aaj,

Loktantra banata Mazaak yahan dekhiye.

Note ke Buksho se Baddle jaate Ballot Box,

Jantantra se hota Khilwad yahan dekhiye.

Aaj to Vidhata Vipreet humse ho gaya hai,

Desh ka hai haal kya jara soch lijiye.

Pink city Jaipur me jo kuch hua hai ush per Aatankwadio se kuch kehna chahta hun-

Who aashia ki Raunake Gulshan thai jo kabhi,

Ab tum khushi manao ki tumne jala diye.

Chehre woh jinke Noor se Roshan thi yeh Jameen,

Jhulshe hue Maqano me ab unko dhoondiye.

Mashoom Gul-Badan thai mehakte hue Gulaab,

Khushiyo ke Geet Gao ki sab Rakh ho gaye.

Hamla kiya tha jishne Darindo ki Fauj thi,

Who haath bhi katte jo Dua ke liye uthe.

Communication Revolution [Sanchaar Kranti] se aaj jahan Duniya me unlimited

profit hue hain, wahi ishq karna bhi aasan ho gaya hai. Mobile ne Premi-

Premikao ke beech me doori kam kar dee hai.Miss call Love jahan akshar sunne ko mill jata hai wahi sms to Lovers ke liye  Vardaan sabit hua hai. Ek time woh bhi tha jab aaj se koi 15 saal pehle apni Premika se baat karne ko Premi taras jaata tha. Land line per Phone karo to Premika ke Maa-Baap ke Phone attend kar lene ka darr rehta tha. Love letter ka Jamane tha , kabhi-kabhi to Premi apne khoon tak se Love letter apni Premika ko likhta tha. Phir sochta tha ki yeh Love letter apni Premika tak kaise Pahunchaye. Mohalle ke kisi chote Bachche ko Toffee ya Chocolete de kar Pataya jata tha, ushe Postman bana kar woh letter Bhijwaya jata tha . Aur kahin Dhoke se woh letter Bachche ne kisi aur ke hath me de diya to phir Premi ki Khair nahi ! Na jaane kitne Utaar-Chadao se bhari kahani hoti thi unn dino Premi-Premika ki ?

Ab to Mobile ka jamana hai Premika se apne dil ki baat kehna bahut aasan ho gaya hai. Companies ke Jodi Pack offers ne to Lovers ki Balle-Balle kar di hai. Aapas me kitni hi Baaten karo. Kabhi –Kabhi sochta hun ki humare jamaane me yeh mobile kyu na hua? Kam se kam Premio ko Letter Likhne ke liye apna  Khoon to nahi bahana padta .

Jo bhi ho ush time ke Premio aur aaj ke Premio me bhi Fark aa gaya hai, ush time unn Premio ka Percetage jyada tha jo apni Premika se dil se Pyar karte thai aur nibhate bhi thai. Aaj Mobile ne Prem ka Izhaar to aasan kar diya , Kehna-Sunna bhi aasan kar diya per har kaam me Zaldi hone lagi. Relations jaise bante hai waise hi toot bhi jaate hai. Aajkal unn Premio ki percentage jyada hai jo Relation sirf USE karne ke liye banate hai.Pyar ke Khoobsoorat Ehsas ki jahan koi Jagah nahi hai.  

Kuch yaad unhe bhi kar lo……….

1857 ke Pratham Swatantrata Sangram ko aaj 150 Saal ho gaye hain. Sabse Pehle to bahut hi Aadar aur Samman ke sath unn Swatantrata Sangraam Senanion ko mera Naman. Sochta hun aaj kitne log honge jinhone Desh per Qurbaan hone waale Shahidon ko yaad kiya hoga ya kitne log honge jinhe theek se unn Shahidon ke naam bhi yaad honge. Phir sochte-sochte emotional ho jaata hun ki yadi woh mere Desh ke Veer-Balidaani aaj Phir se Hindustan me Swarg se wapis aa jayen? Kya Hindustan me aakar Khush honge ? Mujhe lagta hai unhe behad Afshosh hoga aur sochenge kya humne Aazadi ki Laddai kisi Dharam, Jaati-Biraadri , Majhab ya Rajya ke liye ladi thi. Aaj to desh Dharam,Jaati-Biraadri, Majhab aur Praantbaad ke naam per Baanta ja raha hai. Corruption ne Desh ke development ki speed kam kar di hai. Unn Shahidon ne to Kandhe se kandha milakar apni Bharat Mata ko aazad karane ke liye Qurbaani di thi to socha tha ki apne Desh ko phir se Sone ki Chidiya banayenge.                  Ab to yahi kaha ja sakta hai ki………….

Watan ki fikra kar naada!musibat aane waali hai

Teri Barbadiyon ke mashware hain aasmano me

Na samjhoge to mit jaoge –e-Hindusta walo

Tumhari Daasta tak bhi na hogi Daastano me.

A just friend says hi, hello, bye and walks away…………

A best friend always stop by your side and ask how r u?

Just friend has never seen you cry.

A best friend has shoulder soggy from your tears.

A just friend hates it when you call, after he has gone to bed.

A best friend said, why you trek so long to call.

A just friend, when visiting acts like a guest.

A best friend opens your refrigerator and helps himself.

A just friend jealous about your romantic story……….

A best friend wonders of your story………..

A best friend is always there when you require any help.

A just friend expects you to be always there for any help.

A just friend doesn’t have time in his/her busy schedule.

A best friend always time for you in his/her busy schedules.

National Game or National Shame

-------------------------------------------------------------

Kitna dukhad [distressing] hai ki Hockey ke magician Dadda Dhayanchand ke desh me aaj Hockey Khoon ke aansu ro rahi hai.

Mere city Moradabad me 3 May ko ek aayojan [function] hua.Jishke liye city me Banners, Hordings,Posters aur newspapers me Ad. aadi per Lakho rupiya bahaya gaya. Yeh aayojan city ke Sonakpur Stadium me hua. Ish aayojan me Hockey ki condition ko Sudharne ke liye bade-bade lectures hue.Ek match bhi organize kiya gaya. Ish match me Poore desh ke sabhi Ex. Olympians ko invite karke khilwaya gaya . Newspapers ne bhi ish aayojan ki news aur Players ke interviews aadi ko Highlight kiya. Aisa lag raha tha ki bus ab hamari Indian Team ke bure din khatam ho gaye hai. Ish aayojan ke baad mein sochne laga ki hamare desh ka National Game Hockey hai, Olympic ke liye hum Qualify nahi kar paye ish se jyada Sharam ki baat hamare liye kya ho sakti hai, per mujhe laga ki ush se jyada Sharam ki baat to yeh hai ki aaj humen apne National Game ko popular karne ya logo me Hockey ke prati interest paida karne ke liye aise aayojan karne Padh rahe hain. Aisa kyun hua ya desh me Hockey ki itni buri halat kyun hui yeh janne ke liye Deeply sochna hoga.

Kya Hockey Federation se K.P.S. Gill ya Jyoti kumaran ko only hata dene se hi Hockey ke din sudhar jayenge? Pedh[Tree] ki leaves ko mein Paani deta rahun aur root ko Paani na du to kya Pedh Hara [Green] reh sakta hai, Nahi! Ish liye problem ki Jadh [root] me jaana hoga tabhi humari Indian team apne Golden days me wapis laut sakti hai.

Sachai to yeh hai ki hamare desh me Games ke sath Bhadda Mazak kiya jaata hai. Jish ne kabhi National label per bhi Hockey nahi kheli who selectors banaye jaate hai, aise hi logo ko Hockey ki condition Sudharne ki Jimmedari di jaati hai. Bhai-Bhatizabaad , Prant-baad, Politics Games per haabi hai. Kuch Rare Universities ko chod ker mostly universities me talent ko  ignore karke aise players ka selection kiya jaata hai jo sports teachers ke nearest hote hai ya unki buttering karte hai. Kabhi-kabhi to behad aashcharya [Astonishment] hota hai ki aise players ka selection kiya jaata hai jinhone kabhi shayad hi ground me stick pakdi ho. Itna hi nahi dhoondne per aise examples bhi milenge ki paas me to National Player ka Certificate hoga per Hockey ground ki Naap nahi bata sakenge. Baki bacha hua kaam khatam kar diya aaj Cricket ki Chamak-Damak aur unlimited Paise ne. National Game Hockey ke liye aaj hume sponsore bhi dhoondne padte hai jabki Cricket me sponsore line laga kar khade rehte hai. Aaj har child Cricketer banna chahta hai. Jo Hockey khelte hai unme se bhi mostly woh hai jo Sports Quata se Govt. job ka Jugaad karna chahte hain. Humare Desh ke Sports Hostels ki bhi koi responsibility fix nahi hai, kabhi shayad hi inn se Poocha gaya hoga ki inhone desh ko kitne talented Players diye hain. Govt.  ka to kehna hi kya hai, Jakham jab tak taaza hai bus tabhi tak hi Shor machaya jaata hai. Ush ke baad phir wohi purani kahani………. Yadi Govt.  real me serious hai to National Game Hockey ko bachane ke liye seriously hi Kadam uthane honge aur leaves ko nahi roots me Paani dena hoga. College label per hi imaandari se talented players ko select karna hoga aur unn players ko behtar facilities ke sath-sath achchi coaching deni hogi. Team selection ke time Bhai-Bhatizabaad ,Prant-baad aur Politics ko door rakhna hoga. Kam se Kam National Label per achcha Pradarshan karne wale players hi selector banaye jayen. Hockey humara National Game hai ush ke liye sponsor nahi bhi milen to Govt.  Players ki Financial Help kare. Hockey Players ke liye kuch Vishes Suvidhayen bhi declare ki jaayen . International label per achcha Pradarshan karne wale Players ke liye Govt.  attractive cash prizes de. Indian team ko jyada se jyada dooshre deshon ki teams ke sath khelne ka mauka diya jaye taki team ko nayi-nayi strategy sikhne ka avsar milen.

 Meri samajh se yeh sab yadi seriously kar liya jaye to team India ki condition Sudhar sakti hai.    

Yeh kaisi Mohabbat?

*Ishq me Beti ne karaya apni poori family ka murder*

Mere district ke paas abhi kuch dino pehle ek aisi Ghatna hui jisne yeh sochne per majboor kar diya ki kya Mohabbat itni cruel aur khudgarz ho sakti hai?

District JP Nagar {up} me ek village hai jiska naam hai “Babankhedi” ush village me ek hi family ke 7 members ka gala kaat kar murder kar diya gaya tha. Ush family me ek member hi bacha tha jishka naam tha Shabnum. Police jab Shabnum ke ghar pahunchi to Shabnum ne bataya ki woh raat ko chchat{roof} par soyi hui thi ,achanak Barish aa gayi aur who jab Niche aayi to dekha ki kisi ne ushke Maa,Baap,Bhai,Bhabhi,Bhatija{age 2 months},unmarried Bhai,cousin ka murder kar diya hai. Police ki investigation se aur postmortem ki report se malum hua ki sabhi saato logo ko pehle Nashe ki koi cheez pilayi gayi thi ushke baad jab woh gehri nind me soye thai tab unn logo ki gardan kaat kar Hatya ki gayi thi. Shabnum ke father intermediate college me teacher thai,Bada Bhai Chandigarh ki kisi company me engineer tha, Chota Bhai B.tech. kar raha tha aur khud Shabnum government ke primary school me teacher hai.

Police ne jab poore matter ko expose kiya aur khud Shabnum ne admit kiya to yeh ek aisi Ghatna ban gayi ki ishse pehle shayad hi  kisi ne aisi Sachi Ghatna  suni ho. Aisa to kabhi-kabhi suna hai ki Beta Maa-Baap ka Hatyara ban gaya ,par aisa pehli baar suna ki kisi Beti ne apne Maa-Baap aur Bhai qatal kara diye. Nutshell me kissa kuch ish prakar hai ki Shabnum apne hi gaon ke ek ladke se pyar karne lagi,jiska naam Salim hai.Salim jyada padha likha nahi tha, financially bhi uski condition achi nahi thi. Jabki Sabnum ka pariwar financially strong tha. Shayad ishiliye Sabnum ke pariwar ko Sabnum ka Salim se milna bilkul bhi pasand nahi tha. Lekin Sabnum Salim ke bina nahi reh sakti thi. Who chori chori milne lage. Sabnum ke pariwar me jab jyada dispute hone laga to Salim ne Shabnum se kahin door Bhag jaane ke liye kaha. Par Shabnum nahi maani,ushne plan banaya ki yadi mein apne poore pariwar ko kisi se  marva doo to saari property mujhe mill jayegi aur mein Salim ke sath aaram se rahungi. Contract killer se bhi ushne ish kaam ko karvane ki koshis ki lekin jab who kisi kaaran se safal nahi hui to ushne Salim ko uksha kar Salim se hi poori family ko marvane ka plan banaya, aur ek raat saare pariwar ki Kulhadi{Axe} se Gardan kaat kar Hatya karwa di. Shabnum aur Salim ab jail me hai. Ush gaon ke aas-paas jitney bhi gaon hai wahan ke logo ne jinki Betiyo ke naam Shabnum thai unhone apni Betiyo ke naam badal diye hai.

Yeh Ghatna sochne ko majboor karti hai ki Maa-Baap.Bhai-Behan jaise rishte-naate kya ab itne Halke aur Chote ho gaye hai ?

Mohabbat to ek Khoobsoorat ehsas hai jahan Nafrat ke liye koi jagah nahi hoti,phir ish Ghatna ko kya kahenge? Kya Pyar-Mohabbat bhi ab sirf Swarth-Siddhi ho gayi hai? Ya ish Ghatna ko ek rare case maan kar ignore kar diya jaye? Inn sawalon ke jawab dhoondne ki koshish kar raha hun.